Walang Pamagat*

Oras ng lumbay. Hindi mo ako kayang mahalin. Ilang gabi bago ka umalis, sinabi mong 'wag akong magtampo, wag akong magselos sa kanya dahil kaibigan mo lang siya. Bakit mo sinabi 'yun? Sana'y hiningan kita ng paliwanag. Naniwala akong may pag-asa, na pwede tayo, at papunta na tayo dun. Pero bago ka umalis kahapon, wala ka man lang ni isang salitang sinabi, at di ka man lang nagparamdam. Naiwan akong naguguluhan, pero aakalain ko na lang na ayaw mo na.

Sinabi ko naman sa'yo, inaabot kita hanggang kaya ko. Kaya kong talikuran ang mundo sakaling lumapit ka at sabihing kailangan mo ng kasama. Marahil ay hindi sapat ang lakas ko para maabot kita, o ikaw mismo ang lumalayo? Nakakapagod na.

Oras ng paglimot. Sa pagbabalik mo sa bagong taon, sana ay kayanin kong harapin ka.

Suko na ako.

*Wala akong maisip.